...သီချင်းများ ရုပ်ရှင်များနဲ့  ကျနော်
ကျနော်ဟာ နိုင်ငံရေးသမားတယောက်ဖြစ်ပေမယ့် တဖက်ကလဲ
အနုပညာခံစားမှုငယ်ငယ်ကတည်းကရှိနေတော့---အနုပညာနဲ့ ပတ်သက်တဲ့ကျနော့ ခံစားမှုတွေကို ရဲဘော်များနဲ
့ပြည်သူများနားလည်နိုင်ကြပါစေ ဗျာ--။
ငယ်ငယ်တုန်းရှစ်နှစ်သား(၁၉၆၀)လောက်ကအမျိုးသားအောင်ပွဲနေ
့တခုကိုမှတ်မိလို့ ပါ။ ကျနော်တို့ မြို့ ကကျဉ်းပတဲ့အမျိုးသားအောင်ပွဲနေ့ တနှစ်မှာမြို
့ကစီစဉ်တဲ့အခမ်းအနားတခုကိုချီတက်ခွင့်ရပါတယ်။ အတီးအမှုတ်အကအခုန် နဲ့ ချီတက်ကြဖို့ ပါ။
မိမိကြိုက်နှစ်သက်သလိုပါဝင်ယှဉ်ပြိုင်ခွင့်ရှိပါတယ်၊၊ လူဝံအ၀တ်အစားဝတ်ပီးချီတက်ကခုန်ခွင့်ရှိသလို
။ ပန်ချာပီခေါင်းပေါင်းနဲ့ ပိတ်ဖြူခါးတောင်းကြိုက်ပီး ကုလားသီချင်းန့ဲလဲပြိုင်ခွင့်ရှိပါတယ်။ကျနော်တို
့ညီအကိုတွေကတော့ အိုးစည်ဝိုင်းပေါ့။ ကျနော့အောက်ကကောင်ကို မင်းသား(ရွှေအိုးစည်မင်းသားကိုပြောတာပါ)လိုဝတ်ပီးကျနော်ကဒိုးပတ်တီး(ဗြောင်-တောင်
)လို့ တီးယုံပါပဲ။ (အင်း-အဲဒါလဲ ဗုံတီးဘူးတဲ့သူမှသိမှာ)။ အကိုတစ်ယောက်က ပုလွေမှုတ်။အကိုတစ်ယောက်ကရဂွင်းတီး၊နောက်တစ်ယောက်က၀ါးလက်ခုတ်တီး--နဲ
့မြို့ ကိုပတ်ပီးလှည့်လည် ကပြခဲ့ကြရပါတယ်။ ပြည်သူလူထုကကြွေးတဲ့ကောက်ညှင်းပေါင်းနဲ့ 
အကျော်ကိုလဲ ဒီနေ့ ထိ မမေ့ သေးပါဘူး။ အဲဒီနေ့ က ကျနော်တို့ ညီအကိုတွေ တမြို့ လုံးမှာတတိယဆု
ရခဲ့တာကိုလဲသတိရနေပါသေးတယ်။
ဒီလိုနဲ့  ၁၉၇၀ ခုနှစ်တွေရောက်တော့ကျနော့
နားမှာသီချင်းသံစဉ်တွေကအင်တာနေရှင်နယ်ဟုတ်ရင်ဟုတ် မဟုတ်ရင် ကိုသန်းလှိုင်သီချင်းတွေပဲပေါ့။
ဒီလိုနဲ့ မိမိဆုံးဖြတ်ချက်ရှိရာဒေသကိုရောက်ခဲ့ရာမှာ
အိမ်မှာ တော့ ပိုင်ရှင်မဲ့ ပြည်တွင်းဖြစ် တယောလေးတလက်နဲ့  ပိတောက်သားထွင်းအိုး-မယ်ဒလင်တလုံးကျန်ခဲ့ရှာပါတယ်
။ ကျနော်လွမ်းနေဆဲပါဗျာ။
ဒါပေမယ့်
ကျနော့နှလုံးသားကဘယ်ကဘယ်လိုဖြစ်လဲမသိတော့ပါဘူးဗျာ။ ကျနော်ပြည်တွင်းတုန်းကနှစ်သက်မြတ်နိုးခဲ့တဲ့တရုပ်နီတယောလို
့အများကလေးစားခဲ့တဲ့(အီတလီတယောနာမည်ဘယ်လောက်ကြီးကြီး)ကို တော်လှန်ရေးထဲရောက်တော့ကြိုက်သလိုထိုးခွင့်ရှိပေမယ့်--ကျနော်မထိုးချင်မထိုးဖြစ်ခဲ့ပါဘူး။
ရန်ကုန်မှာနေတုန်းက တညနေ လမ်းမတော်မြို့ နယ်မှာလေးငါးနှစ်သားတရုပ်ကလေးလေးတယောက် တယောလေးကိုင်ပီး
တယောသင်တန်းကျောင်းဆင်းလာတာကို-လုပြေးရင်ကောင်းမလားလို့ တောင်စဉ်းစားခဲ့ဘူးတဲ့ ကောင်ပါ။
တရုပ်နီတယောလိုချင်လို့ လေ ။ ဒီလိုနဲ့ ပါတီ
နဲ့ တော်လှန်ရေးထဲရောက်တော့လဲတူရိယာပစ္စည်းတွေစုံစုံလင်လင်ရှိတဲ့(ညောင်နီစခန်း)ကို ရောက်တလှည့်-မရောက်တလှည်
့ပေါ့ဗျာ။
ဒီလိုနဲ့ ကိစ္စများမြောင်
ကွန်မြူနစ်တို့ ဘောင်၌် ပေါ့ဗျာ။
အဲတခါမှာတော့ ကျနော်မြေအောက်ဆင်းရပါတယ်
၁၉၈၀လောက်ပေါ့။ ---ဧရာဝတီမြစ်ပြင်ပေါ်က မော်တော်တစီးပေါ်မှာ ကျနော့ရှေ့ မော်တော်တဖက်ခြမ်းမှာထိုင်နေတဲ့ သူလေးက
တက္ကသိုလ်ကကျောင်းပိတ်လို့ ပြန်လာသူလေး။ သူမ တပ်ဆင်ထားတဲ့မျက်မှန်က တခါတလေကြည်ကြည် လင်လင်ဖြူ
ဖြူနေပီး ၊နေရောင်ဖက်ကိုမော်တော်လှည့်ရင် သူကလေးမျက်မှန်ကတခါတလေမဲမဲလာပါတယ်။ အောင်သွေးတောသားကအဲဒါကို
ဘာကြောင့်မှန်းမသိပါ။ မျက်မှန် ကိုစူးစမ်းရင်း
-အဲ- သူကလေးကိုလဲစူးစမ်းနေမိပါတယ်- ခနနေတော့ မော်တော်ရဲ့ အသံချဲ့ စက်က ပန်း--နွယ်က-
စိမ်း---လဲ ဆိုရော အောင်သွေးအသက်ရှူရပ်မတတ်ဖြစ်ဘူးပါတယ်။ ကျနော့အနုပညာခံစားမှုကအဲလိုပါ။
ဒီလို ပါပဲ-ကျနော်၁၉၈၃မှာမြေအောက်တခါဆင်းတော့မိုးကုတ်က
မန္တလေးအပြန်မနက်စောစောငါးနာရီ ဟိုင်းလတ်ကားမန္တလေး ကိုဆင်းမယ်လုပ်တော့- ကားစထွက်တာနဲ့
ကိုင်ဇာရဲ့သီးချင်းကိုအဲဒီကားကစဖွင့်ပါတယ်- မိုးကလေးညိုလာရင် -လွမ်းမျက်ရည်ဝဲတယ် --တဲ့။
အောင်သွေး--ကားရဲ့အမှောင်ထဲမှာ မနက်စောစောမျက်ရည်တွေရွှဲလို့ ။
ဒီလိုနဲ့ မြောက်ပိုင်း ဗဟိုဌာနခွဲမှာ
ကျနော်တို့ ဗဟို -၄၅ -အလုပ်အဖွဲ့ ကဧည့်သည်အဖြစ်နေ-နေရာက မြေအောက်ကရဲဘော်တချို့ရောက်ရောက်လာနေကြပါတယ်။
မြေအောက်ကရဲဘော်တွေရောက်လာကြရင် ကျနော်တို့ က ပါတီမှာရှိတဲ့ရုပ်ရှင်ကားတွေကို ဖလင်နဲ
့ ပြသနေကြပါ။ အဲနောက်ပိုင်းမှာတော့မြောက်ပိုင်းဗဟိုဌာနခွဲက
ဗွီဒီယိုစက်တွေဝယ်ထားတော့ ဗွီဒီယိုနဲ့ ပြသကြတာပေါ့ ။ တရက်မှာတော့ မဗခမှာ သင်္ကြန်မိုးရုပ်ရှင်ရောက်လာပီလို့ ကြားရပါတယ်။ အဲဒီနေ
့ကရောက်လာတဲ့မြေအောက်ကရဲဘော်တွေကိုပြမယ်လုပ်တော့သူတို့ ကသင်္ကြန်မိုးကိုမကြည့်ချင်ပဲကြည့်ပီးသားလဲဖြစ်နေတော့ပါတီကကားကိုပဲကြည့်ချင်ကြတာပါ။ဒီလိုနဲ
့ကျနော်ကသင်္ကြန်မိုးနဲ့ ကပ်လွဲခဲ့ ရပါတယ်။ဒါပေမယ့် သူတို့ ပြောစကားအရ မဆိုးဘူးလို့ တော့နားလည်ခဲ့တာပေါ့။
တရက်မတော့အဲဒီကားကိုကြည့်ခွင့်ကြုံခဲ့ပါတယ်
စ ပြပြချင်း ကတည်းကကျနော့ရင်တွေခုန်လာခဲ့လို့့တော်တော်ကြာကြာကျနော်ဆက်မကြည့် နိုင်ပဲ
ပြန်လာခဲ့ရပါတယ်။ ဒီနောက်တော့ဘ၀တွေကပြေးရလွှားရ ၊ ပြောင်းရရွှေ့ ရဘ၀တွေပေါ့။ နောက်ပိုင်းမှာ
အင်တာနက်ကကြည့် လို့ ရနိုင်တဲ့အခါမှာလည်း အင်တာနက်ကပြတ်တောက် ပြတ်တောက်၊ ထမင်းကလဲရှာစားရသေးတော့-တကားလုံးအစအဆုံး
မကြည့်ဖြစ်ခဲ့ပါဘူး။ ဒီနှစ်၂၀၁၄ ခုနှစ် ဒီနေ့ မှာမှ ကျနော် ဒီကားကိုအစအဆုံးကြည့်ဖြစ်ခဲ့ပါတယ်။ ဟူး--တော်ပါသေးရဲ့ လွန်ခဲ့တဲ့--၂၈ နှစ်ကျော်--၃၀
နီးပါးကသာ ကျနော်အစအဆုံးဆက်ကြည့် ဖြစ်လိုက်ရင်အခုထိတောင်အသက်ရှင်နေမှာလားမသိတော့ဘူး။
အခုတောင် ကြည့် လိုက်မျက်ရည်တွေကျလိုက်--နှလုံး ရောဂါဆေးတွေကိုသောက်လိုက်။
အောင်သွေး
Posts
